आता अदानी कंपनी ड्रोनही बनवणार, या स्टार्टअपसोबत मोठा करार

नवी दिल्ली : अदानी समूहाने विमान वाहतूक उद्योगात आणखी एक मोठा करार केला आहे. गौतम अदानी यांच्या नेतृत्वाखालील अदानी एंटरप्रायझेसच्या ( Adani enterprises ) उपकंपनीने व्यावसायिक ड्रोन बनवणाऱ्या बेंगळुरूस्थित स्टार्टअपमध्ये गुंतवणूक केली आहे.

50% भागभांडवल खरेदी करण्यासाठी फर्म डील

अदानी समूहही हळूहळू संरक्षण क्षेत्रात आपला हस्तक्षेप वाढवत आहे. ग्रुपच्या अदानी डिफेन्स सिस्टीम अँड टेक्नॉलॉजीजने ड्रोन ( Adani Defence System & Technologies ) निर्मात्या जनरल एरोनॉटिक्समध्ये 50% हिस्सा खरेदी करण्यासाठी एक फर्म करार केला आहे. अदानी डिफेन्सचे सीईओ आशिष राजवंशी यांनी बीएसई फाइलिंगमध्ये माहिती दिली की, या अधिग्रहणामुळे कंपनीची लष्करी UAV क्षमता वाढण्यास मदत होईल.

शेतीसाठीही काम करणार

एवढेच नाही तर या करारात लष्करी क्षमतेसाठी काम करण्यासोबतच देशांतर्गत कृषी क्षेत्रासाठी उपाय विकसित करण्यावरही भर दिला जाणार आहे. जनरल एरोनॉटिक्स प्रामुख्याने कृषी क्षेत्रासाठी काम करते. हे रोबोटिक ड्रोन तयार करते जे पिकांचे संरक्षण करण्यासाठी वेगवेगळ्या प्रकारे वापरले जातात. यासोबतच ते कृत्रिम बुद्धिमत्तेचा वापर करून पिकावर लक्ष ठेवतात.

31 जुलैपर्यंत हा करार पूर्ण होईल

हा करार किती रुपयांत झाला असला तरी कंपनीने याबाबत माहिती दिलेली नाही, मात्र 31 जुलै 2022 पर्यंत हा करार पूर्ण करण्याचे लक्ष्य ठेवण्यात आले आहे. अदानी समूहानेही अलीकडच्या काळात विमान वाहतूक क्षेत्रात मोठी गुंतवणूक केली आहे. कंपनीने अनेक विमानतळ चालवण्याचे कंत्राट मिळवले आहे. सध्या, कंपनीकडे जयपूर, अहमदाबाद आणि मुंबई येथील विमानतळांसह देशातील प्रमुख विमानतळांच्या संचालनाचे कंत्राट आहे.

देशातील ड्रोन क्षेत्रावर केंद्र सरकार खूप लक्ष देत आहे. त्यासाठी सरकारने ड्रोन धोरणही तयार केले आहे. त्याच वेळी, देशांतर्गत स्तरावर त्यांच्या उत्पादनाला प्रोत्साहन देणे हे देखील सरकारचे ध्येय आहे.